Naser Aliji te Kaiserslautern
Naser Aliji pritet të nënshkruajë me Kaiserslautern në Bundesliga 2 në Gjermani, sipas asaj që shkruan revista “Kicker”.
Mbrojtësi i Kombëtares do të firmosë në ditët në vijim me ekipin që është shpallur disa herë kampion i Gjermanisë.
22 – vjeçari ka kryer kontrollet mjekësore dhe pritet që gjithçka të mbyllet në ditët e ardhshme me Kaiserslautern. Naser Aliji kishte edhe një vit kontratë me Basel, ku sezonin e fundit gjeti pak hapësira.
Gjermani është një përvojë e re për Alijin, i cili cilësohet si një përforcim i vlefshëm. Ai është aktivizuar vetëm me skuadra në Zvicër.
Naser Aliji ishte grumbulluar nga Gianni De Biasi për Europianin, por nuk luajti për asnjë minutë, pasi Ansi Agolli luajti në të tre ndeshjet e fazës së grupeve. Aliji është pjesë e kuqezinjve prej vitit 2015.
Tv Klan