NBA dhuron spektakël
Kryeson Jazz, Lakers e Clippers vijojnë ndjekjen nga afër
Uttah Jazz nuk njeh rival në Konferencën e Perëndimit, teksa ka regjistruar fitoren e gjashtë radhazi në NBA amerikan. Jazz mposhti 129-115 Milwaukee Bucks, duke qenë lidere në Perëndim. Ingles dhe Gobert ishin më të mirët në parket për Jazz me 27 pikë secili, duke zbehur paraqitjen e Antetekumpo, që realizoi 29 pikë, 15 rebaund dhe 6 asiste.
Serive të fitoreve radhazi nuk i ndahet as Los Angeles Lakers. Pas triumfit 115-105 përballë Memfis, kampionët e NBA e dërgojnë në 7 numrin e fitoreve radhazi. Skuadra tjetër e Los Angeles, ajo e Clipersave mposhti Chigaco Bulls me shifrat 125-106.
Detroit ka shënuar një sukses me mjaft vlera në transfertën e Boston Celtics, të cilët e mposhti me shifrat 108-102. Cavaliers vazhdon trendin në rënie dhe këtë herë dorëzohet ndaj Portland me shifrat 129-110. San Antonio Spurs ia doli të fitojë 125-114 ndaj Atlanta, ndërkohë që Denver triumfoi 97-95 përballë Oklahomas.
Klan News