Ndahet nga jeta ish – Kancelari gjerman Helmut Kohl
U nda nga jeta në moshën 87 - vjeçare ish - Kancelari gjerman, Helmut Kohl, i njohur si arkitekti i ribashkimit të dy Gjermanive në vitin 1990-të.
Kohl udhëhoqi Gjermaninë për 16 vjet, nga viti 1982 deri në 1998-ën. Ish-lideri i Kristian Demokratëve ishte Kancelari më jetëgjatë i Shekullit të 20-të. Ai ka meritën për bashkimin e kombit gjerman, pas rënies së Murit të Berlinit në vitin 1989. Helmut Kohl shquhej si një besimtar pasionant i integrimit europian. Së bashku me ish - Presidentit francez Fronsua Miterran, ai ka meritën për hedhjen në treg të monedhës së përbashkët europiane Euro. Presidenti i Komisionit Europian, Jean –Claude Juncker u shpreh thellësisht i hidhëruar për humbjen e Helmut Kohlit.Jam krenar që e njoha. Europa duhet të rigjejë durimin e tij, vendosmërinë e tij dhe kurajon e tij,
shkruan Juncker. Ish-presidenti amerikan George Bush, e cilësoi Kohlin një mik të lirisë dhe një liderëve më të mëdhenj të Europës së pasluftës.
Flamujt europianë në Bruksel u ulën në gjysmë-shtizë në nderim të ish-Kancelarit gjerman. Marrëdhënia e tij me Kancelaren aktuale Merkel është shënuar nga ulje-ngritje, për shkak të një skandali në rradhët e CDU-së.
Tv Klan