Ndahet nga jeta ish – presidenti grek
Ish – Presidenti grek, Kostis Stefanopulos është ndarë nga jeta në moshën 90 – vjeçare. Stefanopulos ndodhej në gjendje të rëndë prej disa ditësh, në një spital në Athinë, pasi vuante nga ndërlikime në rrugët e frymëmarrjes.
Ai ka qenë një personalitet i rëndësishëm i jetës politike të Greqisë.
I njohur gjerësisht si Kostis, Stefanopulos ka shërbyer dy mandate të plota presidenciale, nga viti 1995 deri në vitin 2005, siç lejohet nga Kushtetuta.
Edhe pse presidenti ka një rol kryesisht ceremonial në Greqi, Stefanopulos ka fituar popullaritet të gjerë me modestinë e tij.
Vizita e tij, në Shqipëri ka qenë në vitin 2004./tvklan.al