Ndërpritet ndeshja Estoril – Porto
Ndeshja mes Estoril dhe Porto në kampionatin portugez të futbollit është ndërprerë në fund të pjesës së parë pasi tifozët vërshuan në fushë të tmerruar se stadiumi mund të shembej.
Spektatorët kanë kuptuar se shkallët e stadiumit po pësonin një çarje dhe të frikësuar për jetën e tyre gjetën si mundësi shpëtimi fushën e blertë.
Deri në atë moment Estoril po fitonte 1-0. Të ngarkuarit për sigurinë në Stadiumin Antonio Coimbra da Mota, kanë verifikuar menjëherë dëmtimin dhe kanë ndihmuar tifozët t'i largohen rrezikut.
Edhe forcat e policisë janë përfshirë në ndihmën ndaj shikuesve.
Keto foto tregojnë qartë arsyen ë tmerrit që përjetuan tifozët për disa minuta në shkallët e stadiumit të Estoril.
Tv Klan