Shqiptarët pa viza drejt shtetit amerikan të El Salvadorit
Ministri i Jashtëm Ditmir Bushati ka nënshkruar marrëveshjen për liberalizimin e vizave me shtetin amerikanoqendror të El Salvadorit.
Marrëveshja u nënshkrua gjatë një takimi të Bushatit me homologun e tij nga El Salvadori në godinën e Kombeve të Bashkuara, në New York të SHBA-ve. Lajmi bëhet i ditur nga Ministria për Europën dhe Punët e Jashtme, e cila në profilin zyrtar në rrjetet sociale tha se marrëveshja synon të lehtësojë lëvizjen dhe të përmirësojë marrëdhëniet dypalëshe në fushat e interesit të përbashkët.Në fokusin e ministrave gjatë takimit mësohet se ka qenë edhe kandidatura e Shqipërisë për një vend të përkohshëm në Këshillin e Sigurimit të Kombeve të Bashkuara në vitet 2022-2023.Minister @DitmirBushati met FM of El Salvador @cancilleriasv. An agreement on visa liberalization was signed w/ #ElSalvador to facilitate movement & further boost relations b/w the two countries in areas of common interest. #UNGA AlbaniainSC 2022-2023 pic.twitter.com/EZt8jFswgA
— Albanian MEFA 🇦🇱 (@AlbanianDiplo) September 26, 2018
Republika e El Salvadorit është një shtet në Amerikën Qendrore me më shumë se 6 milionë banorë. /tvklan.al