Ngricat në rrugë, ku duhet të bëni kujdes
Ulje e temperaturave, disa gradë nën 0, ka sjellë dhe ngricat në rrugë. Autoriteti Rrugor Shqiptar njofton mbi situatën në akset kombëtare, ndërsa është dhënë urdhër që të gjithë të jenë në gadishmëri.
Në Rajonin Verior në Shkodër, thotë ARRSH, për shkak të temperaturave të ulëta, ka prani të ngricave në akset e Kukësit, Dibrës dhe Shkodrës. Punonjësit e firmave të mirëmbajtjes së rrugëve kanë hedhur
kripë që në orët e para të mëngjesit. Situata e qarkullimit është normale.
Në Rajonin Qendror në Tiranë nuk ka probleme për qarkullimin e mjeteve në të gjitha akset.
Në Rajonin Jugor në Gjirokastër që mbulon edhe Qarkun e Korçës, ka patur temperatura të ulëta gjatë natës, dhe për pasojë ka prani të ngricave në akset rrugore.
Është hedhur kripë në orët e para të mëngjesit dhe po mbahet në monitorim situata. / tvklan.al