Nis rehabilitimi i Rrugës së Dibrës (13 Tetor 2000)
22 milion lekë të reja janë vënë në dispozicion për rregullimin e Rrugës së Dibrës e cila që prej 20 vitesh nuk ka vënë dorë njeri mbi të. Ky fond është pjesë e fondit të përgjithshëm të bashkisë. Brenda 45 ditësh punimet në këtë segment rrugor duhet të mbarojnë. Qarkullimi i dendur i makinave është bërë paksa pengesë për ecurinë e punimeve.
Sot janë hapur kanalet anësore që shërbejnë për qarkullimin e ujit për të cilat po punohet edhe natën. Ndërsa kjo është rruga në hyrje të Spitalit Ushtarak në Laprakë. Para disa muajsh këtu u mbushën gropat me çakull nga ushtarët, por rregullimi nuk zgjati shumë.
Ministria e Punëve Publike me prokurorim të drejtpërdrejtë ka dhënë një fond prej 15.9 milion lekësh të reja për rregullimin total të këtij segmenti rrugor. Këtu kanë mbaruar ndërkohë punimet e të gjitha kanalizimeve dhe ka filluar pjesërisht shtrimi i rrugës./tvklan.al