Nis shitja e biletave për koncertin e Scorpions në Tiranë – (20 Maj 2001)
Lajme Arkiva – TV Klan 2001
Prej dy ditësh, në sportelet e caktuara nga bashkia, ka nisur shitja e biletave për koncertin e madh të grupit Scorpions. 60 mijë bileta, janë hedhur në treg për dy ditë koncert. Të gjitha biletat janë me para, ku nuk do të përjashtohen diplomatë e politikanë, madje për VIP-at bileta do të jetë më e shtrenjtë 5 mijë lekë të reja, të cilët do të qëndrojnë në tribunë, ndërsa në tribunën ballore A, bileta kushton 1500 lekë të reja dhe 1 mijë lekë tribuna anësore C.
Kur të gjitha të jenë sistemuar përballë tribunës anësore C, do të ngrihet skena madhështore, sipërfaqja është rreth 50 metra dhe do të jetë e mbuluar. Me një foni 70 mijë vatëshe dhe një teknologji për një koncert rock show, shqiptarët do të shijojnë për dy orë koncertin, që përveç Scorpions, ka të ftuar grupin Elita 5 dhe Martin Shengen. Për ata që nuk kanë mundësinë e të parit live dhe në stadium TV Klan ofron valët e tij, pasi është i vetmi që ka fituar të drejtën e ekskluzive për të transmetuar direkt një natë të këtij koncerti./tvklan.al
Gazetare – Holta Zhiti