Një automjet merr flakë në ecje
Vlorë – Një automjet ka marrë flakë në ecje ditën e sotme rreth orës 12:00, në autostradën Levan-Vlorë, pranë mbikalimit të “Kripës”.
Sipas burimeve të policisë makina tip “Audi” me targë AA 305 GF ka qenë në ecje e sipër kur është përfshirë nga flakët.
Mësohet se makina është në pronësi të 61 – vjeçarit me inicialet L.L., 61 vjeç, banues në Vlorë.
Nuk ka persona të lënduar, por vetëm dëme materiale të mjetit.
Nga hetimet paraprake dyshohet se zjarri ka rënë për shkaqe aksidentale dhe për këtë rast nuk fillon procedimi penal./tvklan.al