Një tjetër pikë karburanti grabitet, zbulohet makina me të cilën ikën autorët
Maskat godasin sërish dhe sërish pre e grabitjes ka rënë një pikë karburanti. Polica e Durrësit thotë se rreth orës 01:10, në rrugën nacionale Krujë-Krastë, tre persona të maskuar dhe me armë kanë kërcënuar punonjësit e një karburanti.
Grabitësit i kanë marrë lekët e xhiros, rreth 10 000 lekë. Autorët janë larguar më një mjet tip “Audi A 3”, ngjyrë gri e errët, me targa AA 771 JG.
Policia thotë se po punon për identifikimin e autorëve dhe zbardhjen e plotë të ngjarjes.
Po ashtu gjatë natës një tjetër pikë karburanti është grabitur në Tiranë, në Qafë Kashar. Policia thotë se dy ngjarjet nuk janë të lidhura njëra me tjetrën./tvklan.al