Nxirret nga rrënojat një grua në Durrës
Ministria e Mbrojtjes ka njoftuar se një e moshuar është shpëtuar nga rrënojat e një pallati të shembur në Durrës.
Deri më tani kanë humbur jetën 6 persona, ndërsa qindra të tjerë kanë mbetur të lënduar, pas shembjes së pallateve në Thumanë e Durrës.
Në Durrës rezultojnë 3 viktima, në Thumanë 2 viktima, ndërsa 1 viktimë është shënuar në Kurbin, ku sipas njoftimeve zyrtare ky i fundit nga paniku është hedhur nga ballkoni i banesës.
Ndërkohë vijojnë aksionet për shpëtimin dhe nxjerrjen nga rrënojat të personave të tjerë.
Tërmeti goditi vendin mëngjesin e kësaj të marte, rreth orës 03:54 të mëngjesit, me magnitudë 6.4 ballë, e pasuar me mbi 25 paslëkundje të forta, 3 deri në 5 ballë./Tvklan