• Shpërndaje

Të ftuar në Opinion: Mark Marku, Arben Ristani, Lisandër Hoxha dhe Robert Rakipllari.

Ristani: Lulzim Basha ka humbur 4 zgjedhje radhazi, të ketë burrni dhe të dorëhiqet

Arben Ristani është një nga zërat kritikë brenda Partisë Demokratike që kërkon dorëheqjen e kryetarit Lulzim Basha.

I ftuar në emisionin Opinion në Tv Klan, Ristani tha se Lulzim Basha ka kaluar 4 humbje radhazi dhe më 25 Prill demokratët humbën për shkak se partia nuk ishte organizuar siç duhet nga kryetari.

Lulzim Bashën, Arben Ristani e konsideron si “një njeri që gënjen edhe për orën”.

“4 zgjedhje radhazi vetëm ka humbur, nuk arriti ta organizojë partinë ashtu siç duhet, nuk krijoi besimin te njerëzit ashtu si duhet. Presidenti e simbolizoi si një njeri që të gënjen dhe për orën dhe është vërtetë ashtu. Njeriu duhet të ketë burrninë që kur humb t’i hapi rrugën. Pozicioni zyrtar i Partisë Demokratike ishte që i afruan zgjedhjet për të mos dëmtuar sezonin veror. Kjo tregon arrogancën që ata kanë”, tha ndër të tjera Ristani. /tvklan.al