Paga e re e Pogba, tani do vetëm United
Ylli francez nuk ka me interes për Realin, Juven dhe PSG ndërsa pret që të bëhet një nga lojtarët më të paguar të Premier League
Real Madridi, PSG dhe Juventusi e ndjekin prej kohësh në përpjekje për ta bindur që të transferohet, por Pol Pogba ka vendosur që të rinovojë me Mançester Junajtid. Dhe një ndikim të madh në vendimin e tij ka ardhja e Kristiano Ronaldos, Varanes dhe Sanços.
Francezi mendon se Junajtid është kthyer në një ekip mjaft konkurrues. Kontrata e mesfushorit 28-vjeçar përfundon në verën e ardhshme dhe këto muaj do të jenë vendimtarë për të ardhmen e tij.
“Djajtë e kuq” nuk duan që ylli francez të ikë dhe janë të aftë që të shpenzojnë për të. Dhe firma e re në kontratë nuk do t’u kushtojë pak tyre.
Pogba u ka thënë miqve të tij se është ne negociata për një kontratë re ku ai do të përfitojë 400 mijë Paund në javë.
Francezja “L’equipe” raporton se dëshira e Pogbasë është një kontratë me kohë të gjatë, që do ta shndërrojë atë në një nga futbollistët më të paguar të Pemier Ligës.
Pogba ka bërë një nisje mjaft të mirë në këtë sezon, ndërsa ka dhënë shtatë asiste në 9 takime deri më tani.
Klan News