Pagat e deputetëve – (10 Mars 2000)
Arkiva Lajme – Tv Klan 2000
Të jesh deputet në Shqipëri përfiton një rrogë prej 700 mijë lekësh të vjetra. Kjo shumë zbret në 530 mijë lekë të vjetra, pasi i ke paguar shtetit taksat. Me një llogari të thjeshtë të 155 deputetet e zgjedhur nga populli në një muaj i kushtojnë buxhetit të shtetit rreth 90 milion lekë të vjetra. Rrogës mesatare të deputetit prej 555 mijë lekësh të vjetra i shtohen 100 mijë lekë të vjetra nëse marrin pjese në 12 mbledhje të komisioneve parlamentare. Sipas statusit të ri shteti u paguan 40 mijë lekë të vjetra në muaj, deputetëve për shpenzimet telefonike.
Deputetët e pastreh sipas statusit kanë përfituar kredi për shtëpi prej 50 milion lekësh për 25 vjet. Të zgjedhurit nga populli nuk paguajn doganë për makinat e kompjuterat që blejnë jashtë vendit. Shteti u siguron mbrojtjen me bodyguard shoferë dhe 60 litra naftë shpenzim mujor për makinat.
Deputetët kanë të drejtë të përdorin pasaportat diplomatike jo vetëm për vete por edhe bashkëshortin apo bashkshorten./tvklan.al
Gazetar – Vladimir Lame