Pallatet në Tiranë do të kenë hapësira të reja gjelbërimi (19 Shkurt 2001)
Zonat mes pallateve në kryeqytet ose oborret e dikurshme ku kishte stola dhe lule do të rregullohen nga bashkia në mënyrë që të shtohen hapësirat e gjelbërta dhe Tirana të ketë një pamje të rregullt. Për këtë fondi shqiptar i zhvillimit ka dhënë 700 mijë euro për pastrimin e këtyre territoreve dhe kthimin e tyre në lulishte.
Ndërmarrja e Kuartallave që deri tani ka pastruar disa njësi të Tiranës dhe Ndërmarrja e Pastrim-Gjelbërimit pranë bashkisë ka hartuar një projekt të detajuar që pritet të miratohet shumë shpejt për disa lagje të veçanta, gjendja e të cilave është në këtë pamje. Puna do të fillojë me rregullimin e minitrotuareve dhe heqjen e këtyre gardheve që prej 10 vitesh kanë hedhur rrënjë poshtë çpo pallati./tvklan.al