Pamjet tronditëse të vrasjes së terroristit
Në mediat britanike janë publikuar skenat tronditëse kur një terrorist u qëllua për vdekje nga një grup oficerësh në Streatham ditën e djeshme.
Sudesh Amman mbante veshur një jelek të rremë vetëvrasjeje dhe shkaktoi terror dhe panik në gjithë zonën.
E gjithë ngjarja është filmuar nga një kalimtar, i cili gjendej brenda një autobusi në momentin kur pa kaosin që po ndodhte. Në pamjet e publikuara shihet njëri prej oficerëve që shkel me këmbë thikën që kishte terroristi. Një tjetër mbërrin në vendngjarje me një motor blu, ndërsa oficeri i tretë iu bën thirrje njerëzve përeth që të largohen nga vendngjarja.
Pak më tutje shihen dy persona të shtrirë në trotuar, një burrë dhe një grua, që u plagosën me thikë në mes të ditës, para dhjetëra kalimtarëve që mbetën të tmerruar.
Nga frika e shpërthimit të jelekut që terroristi mbante veshur, shumë kalimtarë u strehuan nëpër godinat ngjitur.
Dëshmitarët thanë se terrori filloi kur sulmuesi hyri në dyqanin e pajisjeve dhe mori një thikë kuzhine të madhe dhe filloi të godiste njerëzit./tvklan.al