Panairi “Fokus 99” – (11 Qershor 1999)
Arkiva Lajme – Tv Klan 1999
Ndërsa panairi “Fokus 99” vazhdon punën e tij, disa nga kompanitë pjesmarrëse kanë dalë përpara gazetarëve për të paraqitur projektet e tyre. Drejtoria e Përgjithshme e Rrugëve një nga pjemarrëset e ndërtimit të korridorit të 8-të dhe atij veri-jug, pretendon pjesmarrjen në tre fazat e korridorit 8 deri në përfundimin e tij në vitin 2020.
Zoti Bimbli përcaktoi si një nga projektet më të rëndësishme të Drejtorisë së Rrugëve, atë të ndërtimit dhe rehabilitimit të rrugëve rurale. Ky projekt parashikon që deri në vitin 2000 të përfundojnë 850 kilometra rrugë, ndërkohë që deri në fund të këtij viti parashikohen rreth 600 km.
Ndërsa kompania “2K Group” paraqiti disa nga projektet e saj më të suksesshme si në fushën e ndërtimeve dhe në atë të medias. Ne kemi projekte konkrete tha zoti Kokëdhima edhe për Kosovën në fazën e rindërtimit të saj. Ne përshëndesim vlerësimin që ka qeveria shqiptare për biznesin shqiptar./tvklan.al