Parashikimi i frikshëm i “Anonymous”
Grupi i hakerave “Anonymous” deklaron se Lufta e Tretë Botërore do të shpërthejë që këtë vit, ose vitin e ardhshëm, për shkak të tensioneve në gadishullin korean.
“Bëhuni gati për çfarë do të vijë”
, paralajmëroi grupi në një video të publikuar në kanalin e tij në YouTube, teksa sugjeroi se një konflikt i mundshëm do të kishte
“efekte shkatërruese në të gjithë globin, si për ekonominë ashtu edhe ambientin”.
“Të gjitha shenjat për një luftë të mundshme në gadishullin korean po dalin në pah. Por ndryshe nga luftërat e mëparshme, ndonëse do të ketë trupa këmbësorie, beteja ka shumë gjasa që të jetë e ashpër, brutale dhe e shpejtë”
, deklaron Anonymous, ndërsa vijon më tej duke thënë:
“Kjo është një luftë reale me pasoja globale, me tre superfuqi që do të përfshihen në të. Kombet e tjera do të jenë të destinuara për të zgjedhur anë.”
Videoja në fjalë citon raportime nga Kina që i bën thirrje qytetarëve të saj që të largohen nga Koreja e Veriut, testet e fundit amerikane të raketave interkontinentale balistike, Muniteman III dhe zhvendosjen e trupave amerikane në Australi.
Sipas Anonymous, Kina është ajo që është dëshpëruar për të evituar një luftë të mundshme pasi do të kishte efekte negative në ekonominë e saj, duke e lënë prapa për shkak të fluskit të emigrantëve që do të marshonin në kufijtë e saj.
Teksa e konsideron Donald Trump të “
paparashikueshëm”,
Anonymous shprehet se duhet të ndihemi vërtetë të shqetësuar ditën kur Presidenti amerikan do të afrohet me presidentë si ai i Filipineve, Rodrigo Duterte, në mënyrë që të sigurohet se janë në të njëjtën linjë, ndonëse edhe Duterte e ka këshilluar SHBA që të qëndrojë larg Kim Jong – un./tvklan.al