Parlament, betohen deputetët e rinj.
Miranda Rira, Anduel Xhindi, Adelina Rista, Vladimir Kosta, Enkeleda Shkreli, Silva Caka dhe Kejdi Mehmetaj janë deputetët e rinj që u betuan sot në Kuvend. Ata zëvendësojnë deputetët që dorëzuan vullnetarisht mandatin, sipas premtimit që pati bërë gjatë fushatës kryeministri Rama.
Ish – kryeministri Sali Berisha ka deklaruar se praktika e ndjekur është shkelje e rëndë e kushtetutës nga dyshja Rama-Meta të cilët sipas tij në këtë mënyrë synojnë të eliminojnë bashkëpunëtorët në qeveri. Sipas Berishës, në çdo republikë parlamentare, me përjashtime të vogla, ministrat janë deputetë dhe në rastin e Shqipërisë bëhet fjalë për pazare me mandatin e deputetit.