Partia Demokratike nis përgatitjet për zgjedhjet e qershorit (13 Mars 2001)
PD ka filluar përgatitjet për zgjedhjet e qershorit pavarësisht nga mungesa e publicitetit. Kështu ka deklaruar sot nënkryetari demokrat Jemin Gjana i cili ka deklaruar se deri ku kanë shkuar përgatitjet në selinë blu. Aktualisht po punohet dhe për përzgjedhjen e kandidatëve për deputet.
“Në një mbledhje kryesie e javës së shkuar janë krijuar 5 komisione pranë kryesisë qendrore të PD-së të cilat do të ndjekin fushatën elektorale, 5 komisione të natyrave të ndryshme të cilat do të jenë eficente dhe në strukturat e bazës së PD-së. Ndërkohë është programuar një mbledhje edhe me drejtues të PD-së në rrethe. Përveç kësaj unë dua të theksoj se me hapjen e deklaruar në këshillin kombëtar të PD-së nga kryetari Berisha, kandidaturat e PD-së tani dhe me aleancat që ka me të djathtët janë të shumëfishuara. Unë dua të theksoj ndërkohë se pranë PD-së ka një sektor të burimeve njerëzore i cili në mënyrë përmanente gjatë këtyre viteve ka të grupuara njerëz itelektualë.”/tvklan.al
Gazetare: Ornela Bego