Partizani kthehet me gola dhe fitore
Partizani është kthyer me fitore dhe gola. Të kuqtë morën një fitore çliruese 2 – 0 me Teutën në Durrës. Atanda në pjesën e parë dhe Ekuban në të dytën kthyen qetësinë te ekipi i Adolfo Sormani, i cili është kritikuar shumë nga tifozët.
Vllaznia mori fitoren e parë sezonale me një rival të fortë si Flamurtari. Skuadra e Armando Cungut triumfoi para publikut të saj me rezultatin 2 – 0.
Golat u shënuan nga Alsid Tafili dhe 18-vjeçari Rubin Hebaj, i cili është debutues këtë sezon. Të shtunën Skënderbeu arriti fitoren e radhës, 1 – 0 me Laçin në Korçë. Tirana barazoi 2 – 2 me Kukësin në “Selman Stërmasi”, ndërsa Luftëtari mori pikët e para me suksesin 1 – 0 me Korabin. Javën e ardhshme ndeshja më e rëndësishme do të jetë derbi i kryeqytetit, Partizani – Tirana.
Tv Klan