Pas familjes, ndërron jetë edhe aktorja e telenovelave
Rreth 3 javë pas aksidentit tragjik me 4 të vdekur, aktorja australiane e telenovelave, Jessica Falkholt ka ndërruar jetë.
Ajo ndodhej e shtruar në një spital në Sydney, që prej 26 Dhjetorit kur sëbashku me prindërit dhe motrën e saj 21-vjeçare u përfshinë në një aksident të rëndë automobilistik. Prindërit e aktores 28-vjeçare, e famshme për rrolin e saj në telenovelën "Home and Away", vdiqën në vend, sëbashku me drejtuesin e makinës tjetër.
Ndërsa dy motrat u transportuan me urgjencë në spital. 3 ditë pas aksidentit, ndërroi jetë motra 21-vjeçare e aktores, Annabelle.
Sipas të përditshmes "DailyMail", familjarët e aktores 28-vjeçare morën vendimin për t'i hequr aparaturat që e mbanin në jetë të enjten në mbrëmje./tvklan.al