PD dorëzon në KQZ, listat e anëtarëve të komisioneve vendore – (23 Gusht 2000)
Lajme Arkiva – TV Klan 2000
Partia Demokratike më në fund ka dorëzuar sot në Komisionin Qendror të Zgjedhjeve listat me emrat e anëtarëve të komisioneve vendore. Partia Demokratike është partia e fundit që ka dorëzuar këto lista duke i hapur rrugë krijimit të komisioneve vendore.
Por burime brenda KQZ-së konfirmojnë se Partia Demokratike, nuk i ka dorëzuar listat e plota. Ajo ka paraqitur vetëm një pjesë të emrave. Deri në fund të javës ajo do të ketë gati të gjithë emrat e anëtarëve të komisioneve vendore. Ndërkohë KQZ ka nisur sot punën për verifikimin e listave të votuesve. Pas këtij verifikimi këto lista pritet t’i kalojnë menjëherë komisioneve lokale, afati i fundit për krijimin e të cilave është fundi i javës.
Në Komisionin Qendror të Zgjedhjeve, paralelisht me verifikimin e listave të votuesve dhe krijimit të komisioneve vendore, vazhdon paraqitja e kandidatëve të pavarur, numri i të cilëve ka arritur mbi 40./tvklan.al
Gazetare – Ornela Bego