PD: Kërkojmë krijimin e një komisioni parlamentar për verifikimin e listave (19 Shkurt 2001)
PD ka kërkuar krijimin e një komisioni parlamentar për verifikimin e listave të zgjedhësve. Këtë e ka deklaruar sot nënkryetari i PD-së Jemin Gjana i cili shtoi se këtë kërkesë grupi parlamentar demokrat do t’ja paraqesë byrosë së kuvendit. Sipas tij ky komision do të shqyrtojë listat e zgjedhësve të 1 tetorit, pasaktësitë në to për të pasur lista sa më korrekte në zgjedhjet parlamentare të qershorit.
Ndërsa përsa i përket ftesës së PS-së për mbledhjen e një tryeze teknike ekspertësh për zgjedhet, Gjana tha se çdo gjë ka mbetur në kuadrin e deklaratave. Nuk na ka ardhur ftesë zyrtare për të marrë pjesë në ndonjë tryezë, gjithsesi vijoi Gjana ne jemi të hapur që sapo të vijë ftesa e të përcaktohen kushtet të shqyrtojmë prezencën tonë ose jo në këtë tryezë./tvklan.al
Gazetare: Ornela Bego