PD prezanton platformën në Komisionin e Reformës Zgjedhore
Për demokratët përdorimi i teknologjisë në zgjedhjet e ardhshme parlamentare do t’i jepte fund shitblerjes së votës. Gjatë prezantimit të platformës së tyre në Komisionin e Reformës Zgjedhore, bashkëkryetari, Oerd Bylykbashi tha se aplikimi i identifikimit biometrik të zgjedhësve, votimi dhe numërimi elektronik në 2017-ën do të jetë një sfidë për punën e këtij komisioni, me qëllin garantimin e një procesi të rregullt elektoral.
Mazhoranca përmes bashkëkryetarit të komisionit, Bashkim Fino, ndonëse u shpreh pro në parim të këtij propozimi, i kujtoi opozitës se një tentativë e ngjashme në 2013-ën dështoi.
Në listën e gjatë të propozimeve të opozitës është rishikimi i sistemit elektoral, çështja e financimit të partive, garantimi i lirisë së medias, kriminalizimi në nivelin e korrupsionit të shitblerejes së votës, si dhe shmangia e përdorimit të administratës në proceset zgjedhore. Gjatë mbledhjes së komisionit, demokratët ripërsëritën qëndrimin se reforma zgjedhore garanton suksesin e çdo reforme tjetër përfshi edhe atë të drejtësisë.
Tv Klan