PD: Koronavirusi, qeveria dështoi
“S’mund fusë të vërtetën në karantinë”
Partia Demokratike ka akuzuar Kryeministrin Edi Rama se po tenton të fusë të vërtetën në karantinë. Përmes një deklarate të shpërndarë për mediat, selia blu thotë se kreu i qeverisë nuk mund ta fusë dot në karantinë të vërtetën dhe opozitën.
Sipas demokratëve, Rama po bën gjithçka që të politizojë denoncimet e opozitës që nxjerrin në pah dështimin e qeverisë për të përballuar situatën e krijuar nga korona virusi.
Këto ditë opozita akuzoi qeverinë dhe kallëzoi në SPAK, Ministren e Shëndetësisë, Ogerta Manastirliu se në dijeni të plotë e shpërdorim detyre ka shpërndarë 1 milionë e 200 mijë maska të skaduara ekipeve mjekësore.
Tv Klan