PD strategjia elektorale, gara e kandidatëve për deputetë – (4 Prill 2001)
Lajme Arkiva – TV Klan 2001
Partia Demokratike ka përfunduar pothuajse përcaktimin e të gjithë emrave të kandidatëve për deputetë. Pritet që në mbledhjen e këshillit kombëtar, që do të zhvillohet së shpejti të bëhet përzgjedhja përfundimtare. Mësohet se PD është përpjekur të tërheq persona publik, nga shoqëria civile, intelektualë dhe kryesisht emra të ndryshëm nga deputetët aktual të saj. Megjithatë emrat do të mbahen tepër sekret deri në publikimin e tyre.
Mësohet se ndër kandidatët për deputetë të PD, renditen mjekët Mentor Petrela, e Hysen Heta, trajneri Fatmir Frashri, etj. Ndërsa përsa i përket strategjisë elektorale, selia blu po punon krejtësisht ndryshe nga herët e tjera. Të gjitha këto struktura janë duke studiuar raportin midis kandidatit për deputet dhe medias. Sipas burimeve brenda PD, do të punohet mjaft në marrëdhënie me publikun, nëpërmjet medias dhe veçanërisht atyre lokale./tvklan.al Gazetare – Ornela Bego