PD tryeza me partitë politike – (1 Mars 1999)
Arkiva Lajme – Tv Klan 1999
Partia Demokratike ka përfunduar platformën e tryezës së partive parlamentare për Kosovën. Ftesa e nisur sot prej selisë blu për partitë shqiptare i fton ato më 3 Mars të mbështesin nënshkrimin e marrëveshjes së Rambujesë dhe njëkohësisht të kërkojnë prezëncën e forcave të Natos në Kosovë.
Ndërsa kanë konfirmuar pjesmarrjen në tryezë të dy grupimeve të djathta, Bashkimi për Demokraci dhe e djathta e qendrës, PD fton edhe të majtët të marrin pjesë në të.
Ridvan Bode:- “Ne shpresojmë dhe dëshirojmë që edhe forcat politike që bëjnë pjesë në grupimin “Aleanca për Shtetin”, t’i përgjigjen pozitivisht kësaj tryeze dhe bashkërisht të mund të formulojmë një qëndrim që është i domosdoshëm, përmbi interesat e ngushta partiake. Ajo që është e dëshirueshme nga shqiptarët është bashkimi i zërit të gjithë forcave politike në shqipëri’./tvklan.al
Gazetare – Mirela Milori