Pedofili i arrestuar në Korçë – (27 Nëntor 2000)
Lajme Arkiva – TV Klan 2000
Janë përballur me një çështje shumë delikate dy ditë më parë, uniformat blu të Korçës. Në komisariatin e policisë, ka mbërritur një denoncim, ku akuzohet një i ri për përdhunimin e një vogëlushi pesë vjeçar. Pas denoncimit të familjes së vogëlushit, policia e Korçës, nisi menjëherë hetimet e para për identifikimin dhe kapjen e pedofilit.
Kontrolle të shumta u kryen në akset kryesore të rrugës, derisa mbrëmë vonë, policia korçare arriti të kap dhe më pas të prangos autorin e pedofilisë, 20 vjeçarin Islam Uka nga fshati Dvoran. Katër ditë më parë ai kishte marrë vogëlushin nga kopshti duke u prezantuar si një i afërt i tij para edukatoreve, më pas ai ka mashtruar pesë vjetarin duke kryer marrëdhënie seksuale me të.
Pedofilia edhe pse nuk ka pasur shumë raste nuk është dhe aq e panjohur në Shqipëri. Raste të mëparshme me autorë pedofilie ka pasur dhe në Tiranë e Elbasan, apo dhe tentativa si në Sarandë verën e kaluar./tvklan.al
Gazetar – Eduart Frangaj