Përballja Flamurtari–Partizani me emra të rinj
Do të përballen dy ekipe me shumë traditë në kampionatin shqiptar. Flamurtari dhe Partizani duket se kanë të dyja qëllim të fitojnë ndeshjen, por vlonjatët për të ruajtur pozicionin në vendin e dytë, ndërsa të kuqtë për t’u futur në zonën europiane sa më parë. Për këtë Partizani bëri një remont kapitel në merkaton e dimrit.
Për të kuqtë rikthehet Trashi, i cili pati një konflikt me trajnerin në përgatitjet e Antalyas dhe shpresohet tek rikuperimi i plotë i Edgar Canit pas dy javësh.
Në Vlorë, Shpëtim Duro shpreson tek mbështetja e tifozerisë vendase, teksa do të përpiqet t’i ndrydhë emocionet e tij si ish-futbollist dhe trajner i Partizanit.
Kukësi kampion do të vizitojë Vllazninë në Loro Boriçi. Do të jetë ndeshja e parë në kampionat për trajnerin Pacult, i cili do të kërkojë të tregojë vlerat e tij. Në ndeshjet e tjera, Teuta pret Lushnjën, Kamza Laçin, ndërsa Skënderbeu udhëton drejt Gjirokastrës.
Tv Klan