Përballja me Napolin
Juve rrit masat e sigurisë në stadium
Të shtunën në “Alianz Stadium” të Torinos do të luhet superndeshja mes Juventusit dhe Napolit. Një përballje që do jetë e luftuar fort jo vetëm në fushë, por edhe në shkallët e stadiumit.
Për këtë arsye në impiantin torinez do të rriten masat e sigurisë vetëm për këtë përballje. Zyrtarët e klubit, përgjegjës për sigurinë, do të instalojnë 16 kamera më shumë se zakonisht, për të mbajtur nën kontroll çdo episod që mund të provokojë ndonjë incident të mundshëm.
7 nga këto kamera do të jenë të një cilësie tepër të lartë figure për të dalluar edhe lëvizjet më të vogla nga çdo tifoz i pranishëm në stadium, veçanërisht në shkallët ku do jenë të pozicionuar tifozët ultras të Napolit, që sikurse dihet njihen për performancat e tyre tej normave të lejuara.
Tv Klan