Përballja Ronaldo – Griezmann
Finalja e sotme mund të quhet edhe dueli mes Cristiano Ronaldo dhe Antoine Griezmann. Një sfidë breda sfidës që nisi në finalen e Champions League dhe vijon me atë të Euro 2016 mes këtyre lojtarëve. Të parën e fitoi portugezi me fanelën e Real Madrid, që mundi Ateltico e francezit.
Ronaldo edhe pse nuk u paraqit njëlloj në finalet e Europianit deri më tani numëron 3 gola dhe 2 asiste. Griezmann udhëheq klasifimin e golashënuesve të Euro 2016 me 6 gola, por ka dhënë edhe dy pasime për gol.
Cristiano Ronaldo dha më shumë me fanellën e Real Madrid, ndërsa Antoine Griezmann me atë të Francës. Kjo finale mund të vendosë edhe shumë për Topin e Artë këtë vit, ku dy kandidatura të forta janë pikërisht Ronaldo dhe Griezmann. Finalja e sotme do të jetë e rëndësishme edhe për trofeun individual.
Tv Klan