Përcaktohen grupet e Champions League
Champions League do të ketë përballje interesante që në fazën e grupeve, duke ndezur konkurrencën që në nisje të aktivitetit. Shorti i hedhur në Monako vendosi në të njëtin grup Bayern Munchen me Atletico Madrid, Real Madrid me Borussia Dortmund dhe Paris Saint Germain me Arsenal.
Real Madrid duhet të mbrojë trofeun me skuadra pretendente si Barcelona, Bayern e Juventus, apo debutuesit Leicester City dhe Rostov. Napoli ku luan Elseid Hysaj është pjesë e Grupit B, ku ndodhen Benfica, Dynamo Kyiv dhe Besiktas. Basel i Taulant Xhakës do të përballet me Arsenalin e vëllait të tij Granitit, Paris Saint Germain dhe Ludogortes në Grupin A.
Në grupet e Champions League është edhe një trajner shqiptar, Besnik Hasi, i cili drejton Legia Warszawa. Faza e grupeve do të nisë më 13 Shtator dhe finalja do të zhvillohet më 3 Qershor në Kardif. Në mbrëmjen e shortit u shpall edhe lojtari më i mirë i sezonit të kaluar. Ai është Cristiano Ronaldo, i cili mundi konkurrencën e Gareth Bale dhe Antoine Griezmann.
Tv Klan