Përcaktohet kalendari i Serie A
Serie A ka përcaktuar mbrëmjen e shkuar kalendarin për sezonin 2018 – 2019. Tifozët duhet të presin gjatë për të parë derbin e Italisë mes Juventusit dhe Interit. Në Allianz Arena këto skuadra do të përballen më 9 Dhjetor, për javën e 15 të kampionatit, ndërsa ndeshja e kthimit me 28 Prillin e 2019.
Por derbi i shumëpritur i Milanos do të vijë më herët. Në San Siro Inter dhe Milan do të zbresin më 21 Tetor, për javën e 9, ndërsa ndeshja e kthimit më 17 Mars.
Një tjetër derbi jo më pak i rëndësishëm, ai i kryeqytetit mes Romës dhe Lazios do të luhet me 30 Shtator.
Torino dhe Juventus do të vijë në mes të Dhjetorit dhe do të luhet në fushë të Torinos.
Serie A, këtë sezon fillon me ndeshje të forta, Milan do të përballet me Napolin që në javën e dytë dhe më pas me Romën. Në javën e 7 do të vijë një tjetër përballje direkte, ajo mes Juventusit dhe Napolit. Debutimi i Cristiano Ronaldos në kampionatin italian do të jetë ndaj Chievos në javën e parë të kampionatit më 19 Gusht.
Tv Klan