Përfshihen në aksident 5 makina në rrugën e Rinasit
Lagështia në rrugë për shkak të motit të keq, duket se u bë shkak për një aksident masiv këtë të martë në Tiranë. 5 automjete u përplasën me njëra-tjetrën në rrugën e Rinasit, gjatë orëve të pasdites.
Në njoftimin zyrtar për mediat, policia thotë se nga aksidenti u dëmtuan lehtë 2 persona. Ata u dërguan në spital për ndihmë mjekësore, pa probleme për jetën.
Ndërkohë, më herët një taksi u përmbys në kryeqytet. Ngjarja ndodhi në zonën e Shallvareve. Edhe në këtë rast, shoferi mori dëmtime të lehta.
/tvklan.al