Përgatitjet për Shën Valentinin (11 Shkurt 1999)
Fillojnë përgatitjet për festën e Shën Valentinit. Ndonëse për çiftet e dashuruara ethet e blerjes së dhuratave ende nuk ka filluar, për një serë institucione ethet e përgatitjes kanë nisur prej disa ditësh. Në Pallatin e Kulturës një ekspozitë pikture me punë të studentëve të Akademisë së Arteve do të hapet nesër. Një nga studentet organizatore të aktivitetit thotë:
” Mesazhi i kësaj ekspozite është mesazhi i dashurisë dhe i paqes dhe dita më e bukur që është zgjedhur për t’u bërë kjo ekspozitë mendoj se është dita e Shën Valentinit. “
Po ashtu një maratonë filmash shqiptare me temë dashurinë do të shfaqet në Pallatin e Kulturës me rastin e Shën Valentinit. Për këtë flet Drejtori i Pallatit të Kulturës, Çim Daja.
” Rinia nuk ka më spacio në pikëpamje të asaj që të provojë vetveten dhe të krijojë vetveten në kuptimin artistik.”
Të dielën Televizioni Klan organizon një spektakël në Pallatin e Sportit “Asllan Rusi” me këngë dhe humor vetëm për të dashuruarit tiranas. Të gjitha këto aktivitete ofrojnë një mundësi argëtimi për të gjithë të dashuruarit për të harruar sadopak krismat e armëve në ditën kombëtare të Shën Valentinit./tvklan.al
Gazetar : Altin Hazizaj