Përkeqësohet moti në fundjavë
Reshjet e shiut do të rikthehen në veri duke rritur sërish mundësinë e përmbytjeve.
Sinoptikanët kanë parashikuar që sasia e reshjeve në Shkodër, Lezhë, Dibër, Kukës dhe Krujë të arrijë në 80 milimetra përgjatë të premtes.
Lajda Porja, sinoptikane:
“Të premten në mbrëmje dhe deri në orët e para të mëngjesit të ditës së shtunë pritet që i gjithë territori të ketë vranësira dhe shira me intensitet mesatar dhe të lartë. Zonat veriore pritet që të marrin 70-80 milimetra shi, ndërkohë zonat qendrore dhe zonat jugore do të marrin deri në 50 milimetra.”
Fundjava do të jetë me shi në të gjitha qytetet e vendit. Ndërsa temperaturat mendohet të zbresin duke e bërë motin të ftohtë në këtë fund vjeshte.
Tv Klan