Kriza në Mianmar/ Përmbyset anija, 10 fëmijë të mbytur
Një anije e mbushur me myslimanë Rohingya që përpiqen të largohen prej dhunës në Mianmar është përmbysur në lumin Naf. Ngjarja ndodhi të dielën shumë afër Bangladeshit.
BBC-ja ka mësuar nga rojet kufitare të Bangladeshit se të paktën 12 persona kanë vdekur dhe shumë të tjerë janë shpallur të humbur. Ata kanë arritur të gjejnë deri tani trupat e 10 fëmijëve të mbytur, një gruaje dhe një burri.
Sipas zyrtarëve të rojes bregdetare mendohet se mund të kenë qenë deri në 100 persona në momentin e ngjarjes, midis tyre edhe shumë fëmijë.
Shumë myslimanë Rohingya kanë vdekur duke u përpjekur të largohen prej dhunës në Mianmar. Rreth 60 persona besohet se kanë vdekur në një incident të ngjashëm në shtator.
/tvklan.al