Përmbyset autobusi, vdesin 11 turistë
Një autobus që transportonte turistë në Meksikën juglindore është përmbysur duke shkaktuar vdekjen e 11 personave.
Ndërkohë, 18 persona të tjerë janë plagosur nga aksidenti i rëndë. Me autobus udhëtonin turistë nga Shtetet e Bashkuara të Amerikës, Italisë, Suedisë dhe Brazilit. Kështu ka deklaruar kompania e udhëtimit. Në bordin e autobusit kanë qenë 31 persona, mes të cilëve shoferi dhe udhërrëfyesi.
Të plagosurit janë dërguar në katër spitale për të marrë ndihmë mjekësore. Nuk dihet se çfarë e shkaktoi rrëzimin e autobusit. Policia lokale në Meksikë ka nisur hetimet për të zbardhur shkaqet e aksidentit të rëndë.
/tvklan.al