Përmbyset makina, vdes pasagjerja 23-vjeçare dhe plagoset shoferi
Një aksident me vdekje ka ndodhur gjatë natës rreth orës 03:15 në aksin rrugor Patos-Fier tek kthesa e Patosit.
Policia e Fierit bën me dije se një automjet tip Benz me targa AA 551 OB doli nga rruga dhe u përmbys.
Fatkeqësisht, ka humbur jetën një vajzë 23-vjeçare me iniciale M.H nga Orikumi i Vlorës. Viktima ishte pasagjere në këtë automjet, ndërsa i plagosur në gjendje të rëndë ka mbetur drejtuesi Taulant Ershani 27 vjeç nga Patosi.
Grupi hetimor po punon për zbardhjen e shkakut të ngjarjes
. /tvklan.al