• Shpërndaje

“Situata e gatishmërisë është përmirësuar”

Menjëherë pas kthimit nga Athina, kryeministri Edi Rama thirri në një mbledhje urgjente Komitetin Ndër-ministror të Emergjencave Civile. Rama tha se situata e krijuar nga reshjet po njeh përmirësim përkundër asaj që akuzon opozita, ndërsa veçoi Shkodrën për mungesë të gatishmërisë.

“Edhe COVID-it iu gjet vaksina e imunizimit, ndërsa vaksinës së dëshpërimit të opozitës nuk i është gjetur formula. Niveli i gatishmërisë me përjashtim me Shkodrën që qëndron si hudhër për të mos u marr mësysh gjithë Shqipëria ka ardhur duke u përmirësuar”.

Ministrja e Energjisë dhe Infrastrukturës siguroi se janë marrë të gjitha masat në hidrocentrale për të shmangur përmbytjet.

“Është mirëmenaxhuar situata në kaskadën e Drinit. Kemi nisur nga puna që para 10 ditësh. Kemi qenë të përgatitur për të marrë masat e duhura. E kemi gjetur padyshim të përgatitur veten dhe sot kaskada ka parandaluar përmbytjen në fushën e Shkodrës”.

“Kemi 261 forca të specializuara dhe mbi 1000 forca të tjera në dispozicion të shtabeve dhe qarqeve. 1150 forca nga bashkitë e rrezikuara sot janë të angazhuara”.

Peleshi shtoi se aktualisht situata më kritike mbetet Shkodra, me 2270 hk tokë të përmbytura dhe 100 familje të evakuara nga fshati Obot.

Tv Klan