Foto/Përplasen dy automjete, humb jetën 1 person
Një tjetër aksident është shënuar ditën e sotme në rrugët e Shqipërisë.
Dy makinave u përplasën pranë kryqëzimit të Blinishtit në aksin Lezhë – Shkodër, gjatë pasdites.
Aksidenti rezultoi fatal për Fatmira Ndregjonin e cila humbi jetën, ndërsa 5 persona mbetën të plagosur.
Automjeti tip Benz, ku udhëtonin viktima dhe 3 persona të tjerë u përplas në pjesën e pasme të tij nga një makinë tip Audi.
Ishin forcat zjarrfikëse ato që nxorën të aksidentuarit, të cilët kishin mbetur të bllokuar në automjete dhe i dërguan për ndihmë mjekësorë në spitalin rajonal të Lezhës.
Dyshohet se shkak i aksidentit ka qenë shpejtësia tej normave të lejuara./tvklan.al