Përplaset me barrierat mbrojtëse, arrestohet i riu
Një 23-vjeçar është arrestuar nga policia për shkak të një aksidenti me makinë.
Burime zyrtare të policisë bëjnë me dije se ngjarja ka ndodhur rreth orës 00:20 të së mërkurës, në autostradën Tiranë –Durrës, në vendin e quajtur “Mbikalimi i Sukthit”.
Të njëjtat burime pohojnë se në pranga është vënë Saimir Sula 23 vjeç, banues në Durrës.
Ky i fundit duke drejtuar mjetin tip Peugeot me targa AA 428 NN ka humbur kontrollin dhe është përplasur me barrierat mbrojtëse prej hekuri.
Për pasojë është dëmtuar shumë pak, por pa probleme për jetën.
Sipas policisë pas testit të alkoolit që iu bë, i riu rezultoi se ishte në gjendje të dehur./tvklan.al