Përplasi me makinë vajzën 5 vjeçe, arrestohet i riu
Një i ri është arrestuar nga policia e Tiranës, pasi ka aksidentuar një fëmijë. Në pranga ka përfunduar Migen S, pasi në fundjavë, ai ka aksidentuar 5-vjeçaren A. Ç.
Vajza e vogël ishte duke luajtur pranë shtëpisë së saj, në rrugën “Myslym Keta”, ku u përplas nga 21-vjeçari.
E mitura ndodhet në spital nën kujdesin e mjekëve dhe fatmirësisht është jashtë rrezikut për jetën.
Gjatë ditës së djeshme policia e kryeqytetit ka arrestuar edhe dy të rinj të tjerë, që i jepnin makinës nën efektin e alkoolit.
/tvklan.al