Përplasja me motoçikletë i merr jetën 21-vjeçarit
Përplasja e dy motoçikletave të tipit “Yamah” ka qenë fatale për drejtuesin e njërës prej tyre. Aksidenti tragjik ndodhi mbrëmjen e së hënës rreth orës 22:00, në afërsi të fshatit Zharrnec, Divjakë.
Si pasojë e përplasjes mbeti i plagosur njëri prej drejtuesve, 24 vjeçari me inicialet E.M, i cili ndodhet në Spitalin e Lushnjes, ndërsa ka ndërruar jetë drejtuesi tjetër, 21 vjeçari me inicialet R.Sh banues në Divjakë.
Grupi hetimor po punon për zbardhjen e plotë të ngjarjes./tvklan.al