Përse u la i lirë Noizy pas sherrit me armë?
Plaga e plumbit në kofshë nuk e pengoi reperin Noizy të këndojë për adhuruesit e tij pas përleshjes me reperin Cozman dhe grupin e tij.
Mirëpo, njohësit e çështjeve të sigurisë po mendojnë se Rigels Rajku i njohur si Noizy, do të duhej të mbahej në polici pas incidentit ku u përdorën armët e zjarrit.
Lidhur më këtë zëdhënësja e Policisë së Kosovës, për rajonin e Prishtinës, Flora Ahmeti, i ka thënë Klan Kosovës se vendimin për lirimin e dy artistëve nga Shqipëria e ka marrë Prokuroria.
Ndërsa, zëdhënësi i Këshillit Prokurioral të Kosovës, Ekrem Lutfiu, nëpërmjet postës elektronike ka thënë se nuk mund të japë detaje rreth këtij rasti për shkak se është në fazën e hetimeve.
Për këtë rrahje, në polici po mbahen Ylber Abdullahu , i njohur si Cozman dhe Albert Krasniqi.
Avokati i Cozman, Asdren Hoxha, mohoi se klienti i tij po akuzohet për tentim vrasje.
Hoxha po pret që klienti i tij të lirohet të enjten pas skadimit të ndalimit policor prej 48 orëve./tvklan.al