Peticion për riluajtjen e ndeshjes Angli – Islandë
Anglezët nuk e kaluan lehtë eliminimin nga Euro 2016 për më tepër nga një skuadër modeste si Islanda, që u shoqërua edhe me dorëheqjen e trajneri Roy Hodgson. Ky dështim u cilësua si një tjetër dalje nga Europa pas vendimit që mori shumica në referendumin për të braktisur Bashkimin Europian.
Tifozët edhe pse të lënduar nuk kanë ngurruar të reagojnë me ironi.
Ata kanë krijuar një peticion në faqen zyrtare në internet të Parlamentit që kërkonin riluajtjen e takimit ashtu siç u reagua me referendumin që i dha fund qëndrimit në Bashkimin Europian.
Edhe pse mori shumë vota pro, peticioni për të zhvilluar përsëri ndeshjen me Islandën, kjo mënyrë reagimi nuk u pëlqye nga adiminstratorët e faqes duke e hequr. Diçka është e sigurt, anglezët kanë humor edhe në ditë të vështira. /TV KLAN