Pjetër Arbnori: Deputetët në Parlament duhet të përzgjidhen (5 Janar 2001)
Partia Demokratike do të ketë kritere bazë për përcaktimin e kandidatëve për deputetë, pjesëmarrës aktivë në radhët e partisë. Sipas sekretarit të marrëdhënieve me publikun Pjetër Arbnori, nuk do të synohet më mbushja e Parlamentit me profesorë e doktorë të cilët në momente të vështira braktisin Partinë Demokratike.
“Ne kemi mjaft aktivistë, ne kemi mjaft njerëz që e kanë provuar dhe unë mendoj që nga pikëpamja e kuadrove Bashkimi për Demokraci është superior ndaj kuadrove që u panë se çfarë ishin në aleancën e tyre. Ndonjëherë edhe mund të kemi gabuar sepse i kemi marrë njerëzit pa qenë shumë të angazhuar dhe e mbushëm Parlamentin me profesorë, me doktorë, me sportistë, me artistë, që ishin njerëz të mirë, por që me kohë të keqe, nuk dua t’i fyej sepse shumë nga ato kanë qëndruar, por të tjerë u tërhoqën. Duhet të mos harrojmë dhe aktivistët e gjatë të PD-së.”/tvklan.al
Gazetare: Ornela Bego