Plagoset me thikë një 42-vjeçar
Pas një konflikti të çastit ka mbetur i plagosur me thikë një 42-vjeçar nga Shkodra.
Sipas policisë, ngjarja ka ndodhur paraditen e sotme në fshatin Shtoj i Ri, ku gjatë një konflikti të çastit, shtetasi A. B. 47 vjeç, ka plagosur me thikë shtetasin B. I. 42 vjeç.
I plagosuri është dërguar në Spitalin Rajonal Shkodër dhe ndodhet jashtë rrezikut për jetën.
Nga ana tjetër, është bërë arrestimi në kohë i autorit, ndërsa grup hetimor po punon për sqarimin e rrethanave të kësaj ngjarjeje. /tvklan.al